~ ආත්මය විනිවිදිමි ~

හීන කැටිවුණු නෙත් අග
ශේෂවී ගිය ප්‍රේමය
පෙළින් පෙළ පද ගැලපුන
ජීවිතේ කවියක් විය...
සුසුම් හුරු නැති හදවත
දියෙන් කඳුළින් සේදුව
අකුරු එක දෙක ගිලිහුණ
ආදරේ කවියක්මද???
වරෙක බඹරුන් මත්කළ
නෙළුම් මල් සතු වත්කම
දේවදුණු මත රැඳුනු පැහැ නොව
ලොවක් කැළඹූ සුවඳය...
බඹර තුඩගින් රිද්දුන
චන්ඩ සුළඟට නොසැලුන
ඉරිතලා ගිය හිතක් තිබුණත්
නෙළුම් මල් සුවඳයි තව.......

..සම්මානි ආවර්ජනා දිසානායක..