~ ආත්මය විනිවිදිමි ~

දිළෙන නිවීයන දහසක් තරු මැද
සදා නොමැකෙන තරු එළිය
පෙරදාක දුටු මුහුන අදනම්
එදාටත් වැඩි පිංබරය
දහසකුත් පෙම්වතුන්ට වැඩියෙන්
හිත නුඹේ ඔය පෙම්බරය
තාත්තේ නුඹෙ සෙවන ළඟ මං
තාම හුරතල් ලොකු දුවය

දහස් කඳුලැල් ගලා යද්දී
නුඹේ සවියෙන් දිවි දිනුව
ප්‍රේමයට පදරුත් තිබේ නම්
හැඳිනගත්තෙමි එහි නුඹව
අරමුණක් නැති ගෙවෙන දිවියේ
නුඹම විය පෙම්බර තනුව
දරා කිරුළක් මතු දිනේ මගෙ
ලොවේ සක්විති රජ වනුව.....

                -

සමූ-